Ինչու՞ դիմել մեզ

Մեր ընկերությունը գործում է 2005 թվականից առ այսօր և այս ընթացքում մշտապես հավատարիմ է մնացել իր կարգախոսին՝ «Վստահությունն ամենամեծ կապիտալն է»։ Մենք ունենք մեծ, պրոֆեսիոնալ թիմ, հավատարիմ հաճախորդներ եւ առաջատար դիրք ոլորտում։ Մեր ընկերությունը մեծ ուշադրություն է դարձնում մարդկային կապիտալի զարգացմանը։ Սակայն մեզ դիմելու պատճառներն այսքանով չեն սահմանփակվում, ահա դրանցից ևս մի քանիսը.

ՎՍՏԱՀՈՒԹՅՈՒՆ ԵՎ ԱԶՆՎՈՒԹՅՈՒՆ
Հավատարիմ մնալով մեր կարգախոսին՝ թիմի համար միշտ առաջնայինն է ստեղծել վստահություն մեր և հաճախորդների միջև՝ ազնիվ, անաչառ մոտեցման, վերաբերմունքի և հաղորդակցման շնորհիվ։ Հաճախորդները ցանկացած հարցով, մտահոգությամբ կարող են դիմել մեզ և ստանալ բարեխիղճ պատասխաններ, լուծումներ , քանզի ցանկացած գործարք կատարվում է հաճախորդի համար թափանցիկ ու հասանելի։

ԱՇԽԱՏԱՆՔԱՅԻՆ ԵՐԿԱՐԱՄՅԱ ՓՈՐՁԱՌՈՒԹՅՈՒՆ
ՀՀ մասշտաբով մեր գործակալությունը եզակիներից է, որն առանձնանում է իր աշխատանքային երկարամյա փորձառությամբ։ 2005 թվականից սկսած աշխատանքային պրակտիկա և փորձառություն, որն իր հերթին հարուստ է բազմամյա տարիների մասնագիտացում և հմտություն ունեցող աշխատակիցներով։ 2006 թվականին ստանալով համապատասխան լիցենզավորում, իսկ 2009 թվականին պարգևատրվելով որպես անշարժ գույքի շուկայի զարգացման մեջ մեծ ներդրում ունեցող կազմակերպություն, այսօր էլ շարունակվում են մեր գործակալության հաջողություններն ու ձեռքբերումները։

ՃԱՆԱՉՈՒՄ ԵՎ ՀԱՅՏՆՈՒԹՅՈՒՆ
Մեր գործակալությունն իր երկարամյա գործունեության և գրանցած հաջողությունների շնորհիվ հասցրել է մեծ ճանաչում ձեռք բերել ՀՀ ողջ տարածքում և զբաղեցնել առաջատար հորիզոնականներ հայկական անշարժ գույքի շուկայում ։ Այս ճանաչումը Հայաստանի Հանրապետության բնակչության վստահության արդյունքն է։

ՊԱՐԲԵՐԱԿԱՆ ԴԱՍԸՆԹԱՑՆԵՐ
Բնականաբար առանց գիտելիք և առանց համապատասխան վերապատրաստումների գրեթե անհնար կլիներ այսքան երկար ժամանակ մշտապես հաջողությունների հասնել և շարունակեր մնալ լավագույններից։ Այդ իսկ պատճառով յուրաքանչյուր շաբաթ կազմակերպվում են մասնագիտական դասընթացներ, որոնց ընթացքում ձեռք բերված գիտելիքներով զինվում են մեր գործակալները, յուրացնում նոր աշխատանքային գործիքներ՝ էլ ավելի արդյունավետ և գրագետ դարձնելով հաճախորդների հետ հաղորդակցումը: Ցանկացած բարձրաձայնված խնդիր, պահանջ կամ ցանկության կարճ ժամկետում իր լուծումն է գտնում: Ջանքեր են գործադրվում աշխատակիցների կրթության, զարգացման ուղղությամբ, որպեսզի ստեղծվի առողջ մթնոլորտ՝ աշխատակիցների բարեկեցիկ աշխատանքի համար։

ԸՆԿԵՐԱԿԱՆ ԵՎ ՋԵՐՄ ՄԹՆՈԼՈՐՏ
Յուրաքանչյուր հաճախորդ թիմի կողմից արժանանում է առանձնահատուկ մոտեցման ՝ ընկերական, ջերմ վերաբերմունքի, քանի որ դա է գրավականը հաջող գործարքի։ Հենց այս մթնոլորտում էլ ամեն օր թե՛ մեր գործակալները, թե՛ իրավաբանները, իրենց սրտացավ, մասնագիտական խորհուրդներով փորձում են ամեն հարցում աջակցել հաճախորդներին։

Նմանատիպ շատ այլ կետեր կարող ենք թվել, և դա միայն նրա շնորհիվ, որ մեր գործունեության սկզբից ի վեր առաջնորդվել և հավատարիմ ենք մնացել մեր կարգախոսին՝ <<Վստահությունն ամենամեծ կապիտալն է>>, հաճախորդի շահը՝ գերակա: