Մեր մասին
Դեռևս 2005 թվականին, Վահե Դանիելյանն իր գործունեությունը սկսել է որպես անհատ գործակալ և միայն տարիների ընթացքում, ուսումնասիրելով վաճառելու արվեստը, ձեռք բերելով մասնագիտական համապատասխան հմտություններ, քայլ առ քայլ շարժվել է դեպի հաջողությունը։ Իսկ այդ հաջողության գրավականը վստահությունն էր, որը հենց հիմք դարձավ մի ամբողջ գործակալության, որն այսօր գործում է և շարունակում է զարգանալ՝ նվաճելով առաջին հորիզոնականներ ՀՀ ողջ տարածաշրջանում։ Վստահությունից ծնվեց մեր գործակալության կարգախոսը՝ <<ՎՍՏԱՀՈՒԹՅՈՒՆՆ ԱՄԵՆԱՄԵԾ ԿԱՊԻՏԱԼՆ Է>>։ Հիմնադիր տնօրենի ջանքերով է նաև, որ բարձր արժեհամակարգ է տիրում ամբողջ աշխատակազմի ներսում,և թիմն իր ուրույն ձեռագիրն ունի սպասարկման մեջ. երբ ունես նպատակ աշխարհն ավելի լավը դարձնելու, պետք է սկսես ինքդ քեզնից։
Այդ տարիների ընթացքում ձևավորվեց մեր մեծ թիմը՝ բաղկացած 60 և ավել աշխատակիցներից, որոնցից յուրաքանչյուրը մասնագիտացած է իր գործում և դեռ ավելին՝ ջանք չի խնայում ձեռք բերել նոր, արդի գիտելիքներ՝ էլ ավելի արդյունավետ աշխատելու, համագործակցելու, զարգանալու համար։ Մեր թիմի ցանկացած աշխատակից առանձնանում է իր աշխատանքային տարիների փորձով, պրոֆեսիոնալիզմով,մասնագիտական որակով։ Հետևաբար կարող ենք ասել, որ մենք այն եզակի կառույցներից ենք, որ կարողանում ենք համատեղել որակն ու քանակը միաժամանակ։
Մեր մեծ թիմի մաս են կազմում գործակալները, իրավաբանները, լուսանկարիչները։
Գործակալները Ձեզ համար դառնալու են կամուրջ, որը տանելու է դեպի Ձեր երազանքի բնակարան։
Իրավաբանները հոգալու են, որ այդ ճանապարհը լինի օրինական և հարթ՝ դարձնելով երազանքն իրական ։
Լուսանկարիչներն իրենց բարձր մասնագիտական հմտությամբ և պրոֆեսիոնալիզմով Ձեր անշարժ գույքն ավելի տեսանելի են դարձնելու՝ ընդգծելով վերջինիս ուշադրության արժանի ու եզակի կողմերը։
2005 թվականից մինչ այսօր , լինելով շուկայում ու մատուցելով բարձրորակ ծառայություններ, կարողանցել ենք գրանցել բազմաթիվ հաջողություններ՝ բավարարելով նույնիսկ ամենաքմահաճ հաճախորդի ցանկությունները ։ Այսքան տարիների ընթացքում մեր հմուտ և բանիմաց թիմի շնորհիվ կատարվել են ավելի քան 13․000 գործարքներ ։ Արդեն 2006 թվականին ՀՀ կառավարության առընթեր անշարժ գույքի կադաստրի պետական կոմիտեի կողմից տրվել է լիցենզիա՝ ռիելթորական գործունեություն վարելու համար։ 2009 թվականին մեր գործակալությունը պարգևատրվել է վկայականով <<ՄԱՅ քորպ>> ընկերության կողմից որպես անշարժ գույքի շուկայի զարգացման համար մեծ ներդրում ունեցող կազմակերպություն։
Մեր գործակալությունը համագործակցում է մի շարք միջազգային կազմակերպությունների հետ, ինչպիսիք են՝ <<Էրիկսոն>>, <<Քուշման>>, <<Յանդեքս>><<Միռո>>, որպես միջազգային կառույցներ՝ Գերմանիայի, Ֆրանսիայի, Բրազիլիայի, Իտալիայի և այլ դեսպանությունների , ՀՀ տարածքում գործող <<Ամերիա>>, <<Ակբա>>, <<Արդշին>>, <<Ինեկո>>, <<Էվոկա>> բանկերի հետ։
Իսկ դիմելով մեր գործակալություն, կստանաք որակյալ ծառայություններ.
- Անշարժ գույքի շուկայի վերլուծություն
- Մեր մասնագետների անվճար խորհրդատվություն
- Իրավաբանական աջակցություն
- Ձեր գույքի պրոֆեսիոնալ ֆոտո եւ վիդեո նկարահանում
- Գովազդ՝ սոցիալական հարթակներում
- Մենք հատկացնում ենք նաեւ շինարարական եւ վերանորոգման ծառայություններ։